ប៉ីអ និង ប៉ីពក


ខ្ញុំ​ជឿ​ថា​អ្នក​ទាំង​អស់​គ្នា​ភាគ​ច្រើន​ពិត​ជា​បាន​ធ្លាប់​ឮ​ឈ្មោះ​ឧបករណ៍​តន្ត្រី​បុរាណ​ទាំង​ពីរ​នេះ។ ឧបករណ៍​ទាំង​ពីរ​នេះ​មាន​អាយុ​កាល​ជា​យូរ​មក​ហើយ ដែល​បុព្វបុរស​ខ្មែរ​បាន​ប្រើ​សម្រាប់​ប្រគុំ​ក្នុង​វង់​ភ្លេងៗ​នានា​តាម​តួនាទី​របស់​ឧបករណ៍​នេះ ដូចជា​វង់ភ្លេង​អារក្ស វង់ភ្លេង​ការ ជាដើម។សូម​អាន​អត្ថបទ​ទាំង​ពីរ​ខាង​ក្រោម​នេះ ដែល​មាន​នៅ​ក្នុង​សារព័ត៌មាន​កោះសន្តិភាព៖អំពី ប៉ីពក៖ http://kohsantepheapdaily.com.kh/article/2860.htmlអំពី ប៉ីអ៖ http://kohsantepheapdaily.com.kh/article/10918.htmlកាល​ពី​ម្សិល​មិញ​នេះ ខ្ញុំ​បាន​ទៅ​ផ្ទះ​លោក​គ្រូ​ឧបករណ៍​ផ្លុំ ហើយ​បាន​ថត​រូប​​ឧបករណ៍​តន្ត្រី​ទាំង​ពីរ​នេះ ជា​ពិសេស​ត្រង់​រូបរាង​អណ្ដាត (កន្លែង​ផ្លុំ) របស់​វា។បទ​ដែល​ប្រើ​ឧបករណ៍ ប៉ីពកបទ​ដែល​ប្រើ​ឧបករណ៍ ប៉ីអ

មហោស្រព​សិល្បៈ​យុវជន​ខ្មែរ ឆ្នាំ​២០១២ ថ្ងៃ​ទី៤


ម៉ោង​៥​ល្ងាចជាង​ទៅ​ហើយ ម្ហូប​ក៏​ឆ្អិន​ល្មម​ស្រេច​ដែរ ខ្ញុំ​ក៏​បាន​ញ៉ាំ​ត្រឹម​មួយ​ចម្អែត​ល្មម​កុំ​ឲ្យ​ក្រពះ​ស្រែក​ពេល​ទស្សនា​ការ​សម្ដែង​សិល្បៈ។ ដល់​ម៉ោង​៦​ខ្ញុំ​បាន​ចេញ​ដំណើរ​ឆ្ពោះ​ទៅ​កាន់​នាយកដ្ឋាន​សិល្បៈ​ទស្សនីយភាព ដែល​មាន​ទីតាំង​នៅ​ផ្លូវ១៧៣ (ក្បែរ​ម្លប់​ស្វាយ៩៩)។ ទៅ​ដល់​ម៉ោង​៦​ជិត​កន្លះ​ទៅ​ហើយ... ការ​សម្ដែង​ក៏​ជិត​ចាប់​ផ្ដើមដែរ... ឈរ​មួយ​ភ្លែត​ខាង​អ្នក​រៀបចំ​កម្មវិធី​ក៏​អនុញ្ញាត​ឲ្យ​យើង​ចូលទៅ​ក្នុង​សាល។ ល្ងាច​នេះ​ខ្ញុំ​បាន​ជួប​បងៗ (អ្នក​ស្គាល់​គ្នា) បីបួន​នាក់​ដែរ 🙂 ។ ការ​សម្ដែង​នៅ​ថ្ងៃ​នេះ​ឯ​នាយកដ្ឋាន​សិល្បៈ​ទស្សនីយភាព មាន​ដូច​ជា៖ ចម្រៀង​និងការ​ប្រគុំ​ភ្លេង​ដោយ​ប្រើ​ឧបករណ៍​ច្នៃប្រឌិត (តាខេ​កូដខ្សែ, តាខេ​អាក្រូមិក, តាខេ​ភ្លោះ ដែល​មាន​សំឡេង​ស្រដៀង​ហ្គីតា, ឃឹម​ភ្លោះនិង​ស្គរ​ដៃ​ធម្មតា) ល្ខោន​ឥត​ព្រាងទុក ឧបករណ៍​កែ​ច្នៃ​ទាំង​នោះ​អាច​លេង​បទ​សម័យ​ក៏​បាន បទ​បុរាណ​ក៏​បាន​ហើយ​ពីរោះ​ម្យ៉ាង​ដែរ។ គេ​បាន​ប្រើ​ឧបករណ៍​ទាំង​នោះ​លេង​បាន៩បទ ហើយ​បទ​មួយ​គួរ​ឲ្យ​អស់​សំណើច​ជាង​គេ​គឺ​បទ The Lazy Song 😆 ពួកគាត់​អាច​លេង​បាន​យ៉ាង​ល្អ។ ចំណែក​ឯ​ល្ខោន​ឥត​ព្រាង​ទុក​វិញ ជា​ការ​សម្ដែង​មួយ​ធ្វើ​ឲ្យ​ទស្សនិកជន​ទាំង​ឡាយ​ផ្ទុះ​សំណើច​ចុកពោះ​ពេញ​ទាំង​សាល។ ខ្ញុំ​វិញសើច​ឡើង​ស្ងួត​បំពង់​ក​ថែម​ទៀត​ផង។ ការ​សម្ដែង​ល្ខោន​បែប​នេះ គឺ​ពុំ​មាន​ការ​ហាត់​សម​អ្វី​ជា​ច្រើន​នោះ​ឡើយ តែ​គេ​សម្ដែង​តាម​ការ​ចង់​បាន​របស់​ទស្សនិកជន។ នៅ​ពេល​ចូល​ទៅ​ក្នុង​សាល គេ​បាន​ចែក​ក្រដាស​ឲ្យ​យើង​សរសេរ​អំពី​ពាក្យ​ឬ​ចំណង​ជើង​រឿង​ណា​មួយ​ដែល​យើង​ចង់​ឲ្យ​ពួក​គាត់​សម្ដែង។ រឿង​និមួយៗ​មាន​ពេលវេលា​អតិបរមា​ត្រឹម​តែ៣នាទី​ប៉ុណ្ណោះ ហើយ​ពួក​គាត់​សម្ដែង​បាន​ជាង​១០រឿង​ដែរ។ បទ​ចម្រៀង​និង​ភ្លេង​ដែល​បាន​លេង​មាន​ចំនួន៩ តែ​ក្នុង​វីដេអូ​នេះ​មាន​តែ​ពីរ​ប៉ុណ្ណោះ។ ១. បទ៖ ភ្នំពេញ ២. ភ្លេង៖ The Lazy Song ការ​សម្ដែង​ទាំង​ពីរ​នេះ​ពិត​ជា​ប្លែក​មែន ព្រោះ​ខ្ញុំ​ពុំ​ធ្លាប់​បាន​ទស្សនា​ពី​មុន​មក​ឡើយ។ ខ្ញុំ​សង្ឃឹម​ថា​នឹង​បាន​ទស្សនា​សិល្បៈ​បែប​នេះ​និង​សិល្បៈ​ថ្មីៗ​ទៀត​នៅ​ក្នុង មហោស្រព​សិល្បៈយុវជនខ្មែរ លើក​ក្រោយ។ … Continue reading មហោស្រព​សិល្បៈ​យុវជន​ខ្មែរ ឆ្នាំ​២០១២ ថ្ងៃ​ទី៤