កាលពីរសៀលថ្ងៃនេះ (៣០/០៤/២០១១) វេលាម៉ោង២ កិច្ចជំនួបមួយដែលមានឈ្មោះថា វិគីជួបជុំ ភ្នំពេញ បានប្រព្រឹត្តិទៅនៅឯ HackerSpace។ កិច្ចជំនួបនេះធ្វើឡើងចំថ្ងៃ សៅរ៍ ដូច្នេះមិនសូវមានអ្នកចូលរួមទេ ហើយអ្នកដែលបានចូលរួមកាលពីរសៀលនេះ មានចំនួនត្រឹមតែ ១៤នាក់ប៉ុណ្ណោះ តែយ៉ាងណាក៏ច្រើនជាងការជួបជុំលើកទី១ ដែលមានត្រឹមតែ៣នាក់ប៉ុណ្ណោះ។ ម្យ៉ាងវិញទៀត កិច្ចជំនួបលើកនេះ បានធ្វើឲ្យមានការចាប់អារម្មណ៍ពីសំណាក់សារព័ត៌មានមួយចំនួនដូចជា៖ ទស្សនាវដ្ដី CM, Sabay Web, និង វិទ្យុអូស្ត្រាលី។ នេះគឺជាការចាប់ផ្ដើមម្ដងទៀត ដើម្បីធ្វើឲ្យវិគីភីឌាភាសាខ្មែរ មានភាពរស់រវើក កាលពីមុនឆ្នាំ២០០៨។ ហេតុផលដែលជាឧបសគ្គនោះ ក៏ព្រោះតែវិគីភីឌាភាសាខ្មែរ ពុំទាន់មានអ្នកអភិបាលណាម្នាក់ មានតួនាទីក្នុងការគ្រប់គ្រងនូវផ្នែកណាមួយឡើយ។ គម្រោងរៀបចំក្រុមនៅថ្ងៃមុខ គឺយើងនឹងបង្កើតជាក្រុមតូចៗទៀតដូចជា ក្រុមសម្រាប់អត្ថបទប្រវត្តិសាស្ត្រ, អរិយធម៌, វិទ្យាសាស្ត្រ និងផ្សេងៗទៀត។ កិច្ចប្រជុំលើកនេះ គឺទទួលបានការចាប់អារម្មណ៍ច្រើនពីសំណាក់បងប្អូនជនជាតិខ្មែរទាំងឡាយ។ ព្រឹត្តិការណ៍នេះត្រូវបានរៀបចំឡើងដោយ៖ បងវណ្ណថារិទ្ធ, បង សុខគឹមហេង និង ខ្ញុំ។
ចំណុចដែលបានធ្វើការបង្ហាញ នៅក្នុងវិគីជួបជុំលើកទី២នេះ គឺជាការណែនាំរៀបរាប់ អំពីប្រវត្តិវិគីភីឌា, ប្រវត្តិវិគីភីឌាខ្មែរ, បញ្ហាចំពោះអត្ថបទ, ដំណោះស្រាយ និងផ្សេងៗជាច្រើនទៀត។ ក្រៅពីនេះយើងក៏បានឲ្យអ្នកចូលរួមទាំងអស់ ធ្វើការបំពេញនូវចំណាប់អារម្មណ៍ និងការចូលរួមចំណែករបស់ពួកគាត់ នៅពេលខាងមុខ សម្រាប់វិគីភីឌាភាសាខ្មែរ។ ខាងក្រោមនេះគឺជាឈ្មោះ និងចំណាប់អារម្មណ៍ របស់ពួកគាត់៖
១. កែវ វណ្ណថេត
- ចំណាប់អារម្មណ៍៖ សិក្សាបន្ថែមទៅលើជំនាញ IT
- ចង់ចូលរួមចំណែក៖ ស្វែងរកប្រវត្តិផ្សេងៗក្នុងប្រទេសកម្ពុជា
២. Be Chantra
- ចំណាប់អារម្មណ៍៖ It’s good to build the community to promote our own language.
- ចង់ចូលរួមចំណែក៖
៣. ហួន រដ្ឋា
- ចំណាប់អារម្មណ៍៖ ទទួលបាននូវព័ត៌មានថ្មីៗពីកិច្ចជំនួបនេះ
- ចង់ចូលរួមចំណែក៖ ខ្ញុំចង់ចូលរួមផ្នែកព័ត៌មានវិទ្យា
៤. ទិត្យ អានច័ន្ទគ្រឹះស្នា
- ចំណាប់អារម្មណ៍៖ ខ្ញុំយល់ថា ជំនួបនេះពិតជាប្រសើរ ព្រោះជំនួបនេះផ្ដល់នូវអត្ថប្រយោជន៍របស់ Wikipedia, ប្រវត្តិ Wikipedia, គំនិតល្អផ្សេងៗជាច្រើន និងមួយទៀតគឺ ការជម្រុញលើកទឹកចិត្តចំពោះវិគីភីឌាភាសាខ្មែរ។
- ចង់ចូលរួមចំណែក៖ ផ្នែកសេដ្ឋកិច្ច សង្គម វប្បធម៌ អរិយធម៌ និង ផ្នែកប្រពៃណីទំនៀមទំលាប់។ សំខាន់ផ្ដោតលើភូមិសាស្ត្រ ប្រវត្តិសាស្ត្រ និងអក្សរសាស្ត្រ។
៥. Ana Nov
- ចំណាប់អារម្មណ៍៖
- ចង់ចូលរួមចំណែក៖ edit Khmer text
៦. លឹម សុខហេង
- ចំណាប់អារម្មណ៍៖ ផ្ដល់ឱកាសដល់ទាំងអស់គ្នា ឲ្យស្គាល់និងដឹងពីប្រវត្តិនៃវិគីភីឌាភាសាខ្មែរ និងគោលបំណង។
- ចង់ចូលរួមចំណែក៖ បច្ចេកវិទ្យាព័ត៌មានវិទ្យា
៧. ស្រី សុភ័ក្ត្រ
- ចំណាប់អារម្មណ៍៖ សប្បាយចិត្តដែលបានជួបយុវជនខ្មែរ ចាប់អារម្មណ៍នឹងការកសាងឯកសារជាភាសាខ្មែរ សម្រាប់ខ្មែរ
- ចង់ចូលរួមចំណែក៖ មិនទាន់ប្រាកដ ថាខ្លួនឯងមានជំនាញខាងណា
៨. ធា សុវណ្ណ
- ចំណាប់អារម្មណ៍៖ មានភាពចែករំលែកខ្ពស់ ជួយផ្សព្វផ្សាយឲ្យពិភពលោក ស្គាល់កាន់តែច្បាស់អំពីខ្មែរ
- ចង់ចូលរួមចំណែក៖ ប្រវត្តិសាស្ត្រ
៩. សួន សុភ័ក្ត្រា
- ចំណាប់អារម្មណ៍៖ ល្អសម្រាប់ការជួបជុំ ផ្ដល់មតិបន្ថែម ចែករំលែកចំណេះដឹង ការណែនាំ រីករាយដែលបានស្គាល់អ្នកដែលចាប់អារម្មណ៍លើវិគីភីឌាភាសាខ្មែរ
- ចង់ចូលរួមចំណែក៖ ខ្ញុំចង់ចូលរួមជួយវិគីភីឌា ភាសាខ្មែរ ក្នុងផ្នែកប្រវត្តិសាស្ត្រ និងភូមិសាស្ត្រ វប្បធម៌ អរិយធម៌ ទំនៀមទំលាប់ប្រពៃណី។
១០. ចោម សុត្ថា
- ចំណាប់អារម្មណ៍៖ ចូលចិត្ត
- ចង់ចូលរួមចំណែក៖ ចង់ជួយផ្នែក ទេសចរណ៍
១១. ធលធឿន ចាន់សុវណ្ណ
- ចំណាប់អារម្មណ៍៖ ចូលចិត្ត និងពេញចិត្តនឹងជួយអភិវឌ្ឍ វិគីភីឌាឲ្យកាន់តែល្អ
- ចង់ចូលរួមចំណែក៖ ខ្ញុំចង់ជួយផ្នែក តំបន់ទេសចរណ៍
១២. សុខ សាគឿន
- ចំណាប់អារម្មណ៍៖ ការបង្កើតក្រុម wiki ខ្មែរ
- ចង់ចូលរួមចំណែក៖ ផ្នែសុខភាព, វិទ្យាសាស្ត្រកុំព្យូទ័រ
១៣. ស្រួល វាសនា
- ចំណាប់អារម្មណ៍៖ អាចជួយបង្កើនចំណេះវិជ្ជាខ្លួនឯង និងអាចបញ្ចេញគំនិតយោបល់របស់ខ្លួន ហើយនិងជួយដល់អ្នកជំនាន់ក្រោយឲ្យកាន់តែរីកច្រើនផ្នែកចំណេះដឹង។
- ចង់ចូលរួមចំណែក៖ ខ្ញុំចង់ចូលរួមជួយផ្នែក ចំណេះដឹង ហើយនិងផ្ដល់ព័ត៌មានឲ្យមិត្តរួមការងារ ឬ អ្នកដែលមានតែចំណេះវិជ្ជា តែពួកគាត់មិនបញ្ចេញគំនិតយោបល់បានទូលំទូលាយ។
១៤. ឈិន សាយ័ន្ត
- ចំណាប់អារម្មណ៍៖ ចង់ដឹងពីការរីកចម្រើនរបស់វិគីភីឌាខ្មែរ និងមានបំណងរួមចំណែកដើម្បីពង្រីកវិសាលភាព ភាសាខ្មែរ ក្នុងវិស័យព័ត៌មានវិទ្យា។
- ចង់ចូលរួមចំណែក៖ សំណង់ស៊ីវិល, ព័ត៌មានវ, គណិតវិទ្យា, វិទ្យាសាស្ត្រ
ទេព សុវិចិត្រ 
សួន សុភ័ក្ត្រា និង ធា សុវណ្ណ។
🙂 មើលច្រឡំ។ យប់ងងឹត 🙂 ឥឡូវកែរួចហើយបង។
ចុះទស្សនៈចូចវិញ? មិចដែរ?
ចំពោះទស្សនៈខ្ញុំ គឺសប្បាយរីករាយ នឹងឃើញមានអ្នកចូលរួមច្រើនជាងមុន និងទទួលបានការគាំទ្រពីបងប្អូនខ្មែរយើងជាច្រើន។
ខ្ញុំបានទៅ Hackerspace ដែល តែអើតក្បាលចុះអើតក្បាលឡើងមិនឃើញមានមនុស្សក៏បកក្បាលនឹងត្រលប់មកផ្ទះវិញ ស្តាយណាស់មិនបានចូលរួមនឹងគេ…..:D
ហ្អាក! ម៉េចចឹងទៅវិញ? 😀 ឃើញថានៅម៉ោង២ជាង ទើបមានមនុស្សមកច្រើន។ ចុះបងមកដល់ម៉ោងប៉ុន្មានទៅ? 🙂
លើកក្រោយ ចង់ទៅដែរ!
បាទបានតើ! ស្វាគមន៍ជានិច្ច។