មិនដឹងជាយ៉ាងម៉េចទេខ្ញុំ! បែបដៃភ្លើង ជើងមាន់ហើយ! កុំព្យូទ័របើរាប់តាំងពីឆ្នាំ ២០០៩ មកខ្ញុំប្រើកុំព្យូទ័រខូចអស់ ៣ ហើយ 
ដល់ចឹងទៅអត់មានអីប្រើ។ អាទី១ ខូចយូរហើយខ្ជិលរំលឹកវាអី ព្រោះកាលនោះធ្វើបាបវាយ៉ាងព្រៃផ្សៃបំផុត ហេសហេស ។ ដល់អាទី២ វិញទើបតែខូចតាំងពីមុនចូលឆ្នាំខ្មែរទៅទៀត (ពាក់កណ្ដាលខែ៣) បន្ទាប់ពីខូចមក ក៏បានយកឲ្យគេពិនិត្យ។ អស់រយៈពេលជិត ៣ខែហើយ នៅតែធ្វើពុំទាន់រួចទៀត។ ក្នុងខណៈពេលយកអាទី២ ទៅឲ្យគេធ្វើ ខ្ញុំក៏ឆ្លៀតយកអាទី៣ មកប្រើទៀត (បងស្រីខ្ញុំប្រើតិចៗដែរពេលខ្លះ) ប្រើមិនបានប៉ុន្មានផង ស្រាប់តែពេលកំពុងធ្វើការសុខៗរលត់ឈឹងបើកលែងចេញ 
។ តែមិនអីទេ កុំព្យូទ័រទី៤ ជិតបានមកហើយ តែលើកនេះប្រើកុំព្យូទ័រមួយទឹកម្ដង ណាមួយថោក ណាមួយក៏វាមិនអន់ដែរ។ សង្ឃឹមថាកុំព្យូទ័រទី៤នេះ វាមិនអីទៅចុះ។
បើស្ដីឲ្យថាកុំព្យូទ័រដូចជាមិនត្រូវប៉ុន្មានទេ ព្រោះមកពីខ្ញុំដែរតើ ប្រើនោះប្រើ ប្រើមិនឈប់! ថ្ងៃខ្លះប្រើស្ទើរតែ ១៨ម៉ោងក៏ថាបាន ហាហាហា ហើយមិនដែលបិទសោះ ចឹងហើយថាមិនខូចម៉េចទៀត? កុំព្យូទ័រលើកក្រោយនេះខ្ញុំត្រូវតែប្រើថែជាទីបំផុត យ៉ាងហោចក៏បានបិទឲ្យវាត្រជាក់ចិត្ត ត្រជាក់បេះដូងបន្តិចដែរ។ 
អត្ថបទនេះសរសេរបាន ដោយខ្ចីកុំព្យូទ័របងខ្ញុំប្រើទេ 
ហាហាហា តែគេរកលុយតាមវិធីផ្សេងដែរតើ គឺគេឲ្យហ្វឺតយើង ៣ និងជ័រទន់លុប ២។ ទឹកហ្វឺតគេមួយដប ៥ដុល្លារ ចាក់ប្រើបាន ១៣ដង ហើយហ្វឺតគេ ១ = ១ដុល្លារ។ មិនដឹងថា ១៣ដង ហ្នឹងប្រើបានប៉ុន្មានខែទេ ហាហាហា បែបស៊ីទឹកច្រើនហើយមើលទៅ :-/ ហើយហ្វឺតគេនេះមានលក្ខណៈពិសេសម្យ៉ាង គឺថាមិនជាប់ប្រលាក់ដៃទេ ព្រោះវាមានជាតិជ័រកៅស៊ូ (គេប្រាប់ចឹង) ខ្ញុំសាកហើយ មិនប្រលាក់ជាប់ដៃមែន។
